امیر گنه جان من این دنیاره کورمه ***من این دنیای بی وفاره کورمه
بی مغربادوم و هستکاره کورمه ***منه مه گوهر وینه ، شماره کورمه
*****************************************
گوهر گل دیم برو تر دعا بنویسم *** اول بسم الله نام خدا بنویسم
رحمان و رحیم و رهنما بنویسم *** مرتضی علی ره شفاعت خواه بنویسم
******************************************
امیر گنه جان وینه بدونم نصف دنیا کجه ا *** مغرب تا مشرق چند گزو چند وجه ا
آب دریا چند قورت و چند کچه ا ***هر که اینه بدونه و خدای بنده ا
خونه خدا کعبه ، نصف دنیا اوجه ا *** مغرب تا مشرق خالقر یک گز و یک وجه ا
آب دریا یک قورت و یک کچه ا *** سخن امیر بوته ،اون خدای بنده ا
***************************************
امیر گنه جان وینه بدونم اصول دین چندتا ا ***و معنارِ بویی خدا از تو رضا ا
هر کس و معناره دونه امت مصطفی *** هر کس ندونه و حیوون صحرا ا
پنج اصول دین بَدون تو ای برادر *** توحید و عدل اسم خدای داور
نبوت و امامت هاکن تو باور *** معاد مردن حق است ای برادر
************************************
حموم بزه دوست آب نم دارنه ته زلف *** گره به گره بند به بند دارنه ته زلف
هزار عاشق دلپسند دارنه ته زلف ***بیار خوش هادم خوش چم دارنه ته زلف
*****************************************
گل ونوشه ره بوته تو خَرِ خَر *** ته ریشه چماز ولگ وَزِتَر
تو ورف دمال شه گردن هاکرده ول ***من باغ شاهون درمه تره چرنه ، خر
ونوشه بوته ، گل تو خر و نادونه *** منه منع هاکرده هیچی نَمونِه
من ورف دمال دل ورمه عاشقونهِ *** تو ، باغ شاهون دست دره ناکَسونِه
****************************************
همه خواب دارنه بیخواب منم من *** همه یار دارنه بی یار منم من
همه در بغل دلخواه درنه *** در این شهر خراب تنها منم من
****************************************
سرکوه بلند تا چند بنیشم *** هلاله سردر آره من بچینم
هلاله بی وفا سر در نیارده ***ز عهد بی وفایون چند نشیینم
**************************************
تو که یار منه من پیر نوومه ***شب و روز دیدار تو من سیر نوومه
چند تا حرف تلخی از تو شنیدم *** از جوانی تو دلگیر نوومه
************************************